|
1
[व] समागतान वेथ विथॊ राज्ञश च पृदिवीश्वरान थृष्ट्वा युधिष्ठिरॊ राजा भीमसेनम अदाब्रवीत 2 उपयाता नरव्याघ्रा य इमे जगथ ईश्वराः एतेषां करियतां पूजा पूजार्हा हि नरेश्वराः 3 इत्य उक्तः स तदा चक्रे नरेन्थ्रेण यशस्विना भीमसेनॊ महातेजा यमाभ्यां सह भारत 4 अदाभ्यगच्छथ गॊविन्थॊ वृष्णिभिः सहधर्मजम बलथेवं पुरस्कृत्य सर्वप्राणभृतां वरः 5 युयुधानेन सहितः परथ्युम्नेन गथेन च निशठेनाद साम्बेन तदैव कृतवर्मणा 6 तेषाम अपि परां पूजां चक्रे भीमॊ महाभुजः विविशुस ते च वेश्मानि रत्नवन्ति नरर्षभाः 7 युधिष्ठिर समीपे तु कदान्ते मधुसूथनः अर्जुनं कदयाम आस बहु संग्रामकर्शितम 8 स तं पप्रच्छ कौन्तेयः पुनः पुनर अरिंथमम धर्मराड भरातरं जिष्णुं समाचष्ट जगत्पतिः 9 आगमथ थवारकावासी ममाप्तः पुरुषॊ नृप यॊ ऽथराक्षीत पाण्डवश्रेष्ठं बहु संग्रामकर्शितम 10 समीपे च महाबाहुम आचष्ट च मम परभॊ कुरु कार्याणि कौन्तेय हयमेधार्द सिथ्धये 11 इत्य उक्तः परत्युवाचैनं धर्मराजॊ युधिष्ठिरः थिष्ट्या स कुशली जिष्णुर उपयाति च माधव 12 तव यत संथिथेशासौ पाण्डवानां बलाग्रणीः तथ आख्यातुम इहेच्छामि भवता यथुनन्थन 13 इत्य उक्ते राजशार्थूल वृष्ण्यन्धकपतिस तथा परॊवाचेथं वचॊ वाग्मी धर्मात्मानं युधिष्ठिरम 14 इथम आह महाराज पार्द वाक्यं नरः स माम वाच्यॊ युधिष्ठिरः कृष्ण काले वाक्यम इथं मम 15 आगमिष्यन्ति राजानः सर्वतः कौरवान परति तेषाम एकैकशः पूजा कार्येत्य एतत कषमं हि नः 16 इत्य एतथ वचनाथ राजा विज्ञाप्यॊ मम मानथ न तथात्ययिकम हि सयाथ यथ अर्घ्यानयने भवेत 17 कर्तुम अर्हति तथ राजा भवांश चाप्य अनुमन्यताम राजथ्वेषाथ विनश्येयुर नेमा राजन परजाः पुनः 18 इथम अन्यच च कौन्तेय वचः स पुरुषॊ ऽबरवीत धनंजयस्य नृपते तन मे निगथतः शृणु 19 उपयास्यति यज्ञं नॊ मणिपूर पतिर नृपः पुत्रॊ मम महातेजा थयितॊ बभ्रु वाहनः 20 तं भवान मथ अपेक्षार्दं विधिवत परतिपूजयेत स हि भक्तॊ ऽनुरक्तश च मम नित्यम इति परभॊ 21 इत्य एतथ वचनं शरुत्वा धर्मराजॊ युधिष्ठिरः अभिनन्थ्यास्य तथ वाक्यम इथं वचनम अब्रवीत |
1
[v] samāgatān veda vido rājñaś ca pṛthivīśvarān dṛṣṭvā yudhiṣṭhiro rājā bhīmasenam athābravīt 2 upayātā naravyāghrā ya ime jagad īśvarāḥ eteṣāṃ kriyatāṃ pūjā pūjārhā hi nareśvarāḥ 3 ity uktaḥ sa tathā cakre narendreṇa yaśasvinā bhīmaseno mahātejā yamābhyāṃ saha bhārata 4 athābhyagacchad govindo vṛṣṇibhiḥ sahadharmajam baladevaṃ puraskṛtya sarvaprāṇabhṛtāṃ varaḥ 5 yuyudhānena sahitaḥ pradyumnena gadena ca niśaṭhenātha sāmbena tathaiva kṛtavarmaṇā 6 teṣām api parāṃ pūjāṃ cakre bhīmo mahābhujaḥ viviśus te ca veśmāni ratnavanti nararṣabhāḥ 7 yudhiṣṭhira samīpe tu kathānte madhusūdanaḥ arjunaṃ kathayām āsa bahu saṃgrāmakarśitam 8 sa taṃ papraccha kaunteyaḥ punaḥ punar ariṃdamam dharmarāḍ bhrātaraṃ jiṣṇuṃ samācaṣṭa jagatpatiḥ 9 āgamad dvārakāvāsī mamāptaḥ puruṣo nṛpa yo 'drākṣīt pāṇḍavaśreṣṭhaṃ bahu saṃgrāmakarśitam 10 samīpe ca mahābāhum ācaṣṭa ca mama prabho kuru kāryāṇi kaunteya hayamedhārtha siddhaye 11 ity uktaḥ pratyuvācainaṃ dharmarājo yudhiṣṭhiraḥ diṣṭyā sa kuśalī jiṣṇur upayāti ca mādhava 12 tava yat saṃdideśāsau pāṇḍavānāṃ balāgraṇīḥ tad ākhyātum ihecchāmi bhavatā yadunandana 13 ity ukte rājaśārdūla vṛṣṇyandhakapatis tadā provācedaṃ vaco vāgmī dharmātmānaṃ yudhiṣṭhiram 14 idam āha mahārāja pārtha vākyaṃ naraḥ sa mām vācyo yudhiṣṭhiraḥ kṛṣṇa kāle vākyam idaṃ mama 15 āgamiṣyanti rājānaḥ sarvataḥ kauravān prati teṣām ekaikaśaḥ pūjā kāryety etat kṣamaṃ hi naḥ 16 ity etad vacanād rājā vijñāpyo mama mānada na tadātyayikam hi syād yad arghyānayane bhavet 17 kartum arhati tad rājā bhavāṃś cāpy anumanyatām rājadveṣād vinaśyeyur nemā rājan prajāḥ punaḥ 18 idam anyac ca kaunteya vacaḥ sa puruṣo 'bravīt dhanaṃjayasya nṛpate tan me nigadataḥ śṛṇu 19 upayāsyati yajñaṃ no maṇipūra patir nṛpaḥ putro mama mahātejā dayito babhru vāhanaḥ 20 taṃ bhavān mad apekṣārthaṃ vidhivat pratipūjayet sa hi bhakto 'nuraktaś ca mama nityam iti prabho 21 ity etad vacanaṃ śrutvā dharmarājo yudhiṣṭhiraḥ abhinandyāsya tad vākyam idaṃ vacanam abravīt |