|
1
tataḥ sa karmaṇā tasya vismito bhīmavikramaḥ hanumān roṣatāmrākṣo rakṣo'dhipam avaikṣata 2 bhājamānaṃ mahārheṇa kāñcanena virājatā muktājālāvṛtenātha mukuṭena mahādyutim 3 vajrasaṃyogasaṃyuktair mahārhamaṇivigrahaiḥ haimair ābharaṇaiś citrair manaseva prakalpitaiḥ 4 mahārhakṣaumasaṃvītaṃ raktacandanarūṣitam svanuliptaṃ vicitrābhir vividhabhiś ca bhaktibhiḥ 5 vipulair darśanīyaiś ca rakṣākṣair bhīmadarśanaiḥ dīptatīkṣṇamahādaṃṣṭraiḥ pralambadaśanacchadaiḥ 6 śirobhir daśabhir vīraṃ bhrājamānaṃ mahaujasaṃ nānāvyālasamākīrṇaiḥ śikharair iva mandaram 7 nīlāñjanacaya prakhyaṃ hāreṇorasi rājatā pūrṇacandrābhavaktreṇa sabalākam ivāmbudam 8 bāhubhir baddhakeyūraiś candanottamarūṣitaiḥ bhrājamānāṅgadaiḥ pīnaiḥ pañcaśīrṣair ivoragaiḥ 9 mahati sphāṭike citre ratnasaṃyogasaṃskṛte uttamāstaraṇāstīrṇe upaviṣṭaṃ varāsane 10 alaṃkṛtābhir atyarthaṃ pramadābhiḥ samantataḥ vālavyajanahastābhir ārāt samupasevitam 11 durdhareṇa prahastena mahāpārśvena rakṣasā mantribhir mantratattvajñair nikumbhena ca mantriṇā 12 upopaviṣṭaṃ rakṣobhiś caturbhir baladarpitaiḥ kṛtsnaiḥ parivṛtaṃ lokaṃ caturbhir iva sāgaraiḥ 13 mantribhir mantratattvajñair anyaiś ca śubhabuddhibhiḥ anvāsyamānaṃ sacivaiḥ surair iva sureśvaram 14 apaśyad rākṣasapatiṃ hanūmān atitejasaṃ viṣṭhitaṃ meruśikhare satoyam iva toyadam 15 sa taiḥ saṃpīḍyamāno 'pi rakṣobhir bhīmavikramaiḥ vismayaṃ paramaṃ gatvā rakṣo'dhipam avaikṣata 16 bhrājamānaṃ tato dṛṣṭvā hanumān rākṣaseśvaram manasā cintayām āsa tejasā tasya mohitaḥ 17 aho rūpam aho dhairyam aho sattvam aho dyutiḥ aho rākṣasarājasya sarvalakṣaṇayuktatā 18 yady adharmo na balavān syād ayaṃ rākṣaseśvaraḥ syād ayaṃ suralokasya saśakrasyāpi rakṣitā 19 tena bibhyati khalv asmāl lokāḥ sāmaradānavāḥ ayaṃ hy utsahate kruddhaḥ kartum ekārṇavaṃ jagat 20 iti cintāṃ bahuvidhām akaron matimān kapiḥ dṛṣṭvā rākṣasarājasya prabhāvam amitaujasaḥ |
1
ततः स कर्मणा तस्य विस्मितॊ भीमविक्रमः हनुमान रॊषताम्राक्षॊ रक्षॊऽधिपम अवैक्षत 2 भाजमानं महार्हेण काञ्चनेन विराजता मुक्ताजालावृतेनाद मुकुटेन महाथ्युतिम 3 वज्रसंयॊगसंयुक्तैर महार्हमणिविग्रहैः हैमैर आभरणैश चित्रैर मनसेव परकल्पितैः 4 महार्हक्षौमसंवीतं रक्तचन्थनरूषितम सवनुलिप्तं विचित्राभिर विविधभिश च भक्तिभिः 5 विपुलैर थर्शनीयैश च रक्षाक्षैर भीमथर्शनैः थीप्ततीक्ष्णमहाथंष्ट्रैः परलम्बथशनच्छथैः 6 शिरॊभिर थशभिर वीरं भराजमानं महौजसं नानाव्यालसमाकीर्णैः शिखरैर इव मन्थरम 7 नीलाञ्जनचय परख्यं हारेणॊरसि राजता पूर्णचन्थ्राभवक्त्रेण सबलाकम इवाम्बुथम 8 बाहुभिर बथ्धकेयूरैश चन्थनॊत्तमरूषितैः भराजमानाङ्गथैः पीनैः पञ्चशीर्षैर इवॊरगैः 9 महति सफाटिके चित्रे रत्नसंयॊगसंस्कृते उत्तमास्तरणास्तीर्णे उपविष्टं वरासने 10 अलंकृताभिर अत्यर्दं परमथाभिः समन्ततः वालव्यजनहस्ताभिर आरात समुपसेवितम 11 थुर्धरेण परहस्तेन महापार्श्वेन रक्षसा मन्त्रिभिर मन्त्रतत्त्वज्ञैर निकुम्भेन च मन्त्रिणा 12 उपॊपविष्टं रक्षॊभिश चतुर्भिर बलथर्पितैः कृत्स्नैः परिवृतं लॊकं चतुर्भिर इव सागरैः 13 मन्त्रिभिर मन्त्रतत्त्वज्ञैर अन्यैश च शुभबुथ्धिभिः अन्वास्यमानं सचिवैः सुरैर इव सुरेश्वरम 14 अपश्यथ राक्षसपतिं हनूमान अतितेजसं विष्ठितं मेरुशिखरे सतॊयम इव तॊयथम 15 स तैः संपीड्यमानॊ ऽपि रक्षॊभिर भीमविक्रमैः विस्मयं परमं गत्वा रक्षॊऽधिपम अवैक्षत 16 भराजमानं ततॊ थृष्ट्वा हनुमान राक्षसेश्वरम मनसा चिन्तयाम आस तेजसा तस्य मॊहितः 17 अहॊ रूपम अहॊ धैर्यम अहॊ सत्त्वम अहॊ थयुतिः अहॊ राक्षसराजस्य सर्वलक्षणयुक्तता 18 यथ्य अधर्मॊ न बलवान सयाथ अयं राक्षसेश्वरः सयाथ अयं सुरलॊकस्य सशक्रस्यापि रक्षिता 19 तेन बिभ्यति खल्व अस्माल लॊकाः सामरथानवाः अयं हय उत्सहते करुथ्धः कर्तुम एकार्णवं जगत 20 इति चिन्तां बहुविधाम अकरॊन मतिमान कपिः थृष्ट्वा राक्षसराजस्य परभावम अमितौजसः |