Sacred Texts  Legends and Sagas  WordGumbo: Old English Dictionaries [External Site]
Index  Previous  Next 

The Rune Poem

Verse Indeterminate Saxon

ᛇ byþ frofur         fira gehwylcum.
Sceal ðeah manna gehwylc         miclun hyt dælan
gif he wile for drihtne         domes hleotan.
ᚢ byþ anmod         and oferhyrned,
5
felafrecne deor,         feohteþ mid hornum,
mære morstapa;         þæt is modig wuht.
ᚦ byþ ðearle scearp;         ðegna gehwylcum
anfeng ys yfyl,         ungemetun reþe
manna gehwylcun         ðe him mid resteð.
10
ᚩ byþ ordfruma         ælcre spræce,
wisdomes wraþu         and witena frofur,
and eorla gehwam         eadnys and tohiht.
ᚱ byþ on recyde         rinca gehwylcum
sefte, and swiþhwæt         ðam ðe sitteþ on ufan
15
meare mægenheardum         ofer milpaþas.
ᚳ byþ cwicera gehwam         cuþ on fyre,
blac and beorhtlic,         byrneþ oftust
ðær hi æþelingas         inne restaþ.
ᚷ gumena byþ         gleng and herenys,
20
wraþu and wyrþscype,         and wræcna gehwam
ar and ætwist         ðe byþ oþra leas.
ᚹne bruceþ         ðe can weana lyt,
sares and sorge,         and him sylfa hæfþ
blæd and blysse         and eac byrga geniht.
25
ᚻ byþ hwitust corna;         hwyrft hit of heofones lyfte,
wealcaþ hit windes scuras,         weorþeþ hit to wætere syððan.
ᚾ byþ nearu on breostan,         weorþeþ hi ðeah oft niþa bearnum
to helpe and to hæle gehwæþre,         gif hi his hlystaþ æror.
ᛁ byþ oferceald,         ungemetum slidor,
30
glisnaþ glæshluttur,         gimmum gelicust,
flor forste geworuht,         fæger ansyne.
ᛄ byþ gumena hiht,         ðon god læteþ,
halig heofones cyning,         hrusan syllan
beorhte bleda         beornum and ðearfum.
35
ᛇ byþ utan         unsmeþe treow,
heard, hrusan fæst,         hyrde fyres,
wyrtrumun underwreþyd,         wyn on eþle.
ᛈ byþ symble         plega and hlehter
wlancum         ðar wigan sittaþ
40
on beorsele         bliþe ætsomne.
secg eard hæfþ         oftust on fenne,
wexeð on wature,         wundaþ grimme,
blode breneð         beorna gehwylcne
ðe him ænigne         onfeng gedeð.
45
ᛋ semannum         symble biþ on hihte,
ðonn hi hine feriaþ         ofer fisces beþ,
oþ hi brimhengest         bringeþ to lande.
ᛏ biþ tacna sum,         healdeð trywa wel
wiþ æþelingas,         a biþ on færylde,
50
ofer nihta genipu         næfre swiceþ.
ᛒ byþ bleda leas,         bereþ efne swa ðeah
tanas butan tudder,         biþ on telgum wlitig,
heah on helme         hrysted fægere,
geloden leafum,         lyfte getenge.
55
ᛖ byþ for eorlum         æþelinga wyn,
hors hofum wlanc,         ðær him hæleþ ymbe,
welege on wicgum,         wrixlaþ spræce,
and biþ unstyllum         æfre frofur.
ᛗ byþ on myrgþe         his magan leof;
60
sceal þeah anra gehwylc         oðrum swican,
for ðam dryhten wyle         dome sine
þæt earme flæsc         eorþan betæcan.
ᛚ byþ leodum         langsum geþuht,
gif hi sculun neþan         on nacan tealtum,
65
and hi sæyþa         swyþe bregaþ,
and se brimhengest         bridles ne gymeð.
ᛝ wæs ærest         mid Eastdenum
gesewen secgun,         oþ he siððan eft
ofer wæg gewat,         wæn æfter ran;
70
ðus heardingas         ðone hæle nemdun.
ᛟ byþ oferleof         æghwylcum men,
gif he mot ðær rihtes         and gerysena on
brucan on bolde         bleadum oftast.
ᛞ byþ drihtnes sond,         deore mannum,
75
mære metodes leoht,         myrgþ and tohiht
eadgum and earmum,         eallum brice.
ᚪ byþ on eorþan         elda bearnum
flæsces fodor,         fereþ gelome
ofer ganotes bæþ;         garsecg fandaþ
80
hwæþer ac hæbbe         æþele treowe.
ᚫ biþ oferheah,         eldum dyre,
stiþ on staþule,         stede rihte hylt,
ðeah him feohtan on         firas monige.
ᚣ byþ æþelinga         and eorla gehwæs
85
wyn and wyrþmynd,         byþ on wicge fæger,
fæstlic on færelde,         fyrdgeatewa sum.
ᛡ byþ eafix,         and ðeah a bruceþ
fodres on foldan,         hafaþ fægerne eard,
wætre beworpen,         ðær he wynnum leofaþ.
90
ᛠ byþ egle         eorla gehwylcun,
ðonn fæstlice         flæsc onginneþ,
hraw colian,         hrusan ceosan
blac to gebeddan;         bleda gedreosaþ,
wynna gewitaþ,         wera geswicaþ.