|
1
[कर्ण] सर्वान आयुष्मतॊ भीतान संत्रस्तान इव लक्षये अयुथ्धमनसश चैव सर्वांश चैवानवस्दितान 2 यथ्य एष राजा मत्स्यानां यथि बीभत्सुर आगतः अहम आवारयिष्यामि वेलेव मकरालयम 3 मम चापप्रमुक्तानां शराणां नतपर्वणाम नावृत्तिर गच्छताम अस्ति सर्पाणाम इव सर्पताम 4 रुक्मपुङ्खाः सुतीक्ष्णाग्रा मुक्ता हस्तवता मया छाथयन्तु शराः पार्दं शलभा इव पाथपम 5 शराणां पुङ्खसक्तानां मौर्व्याभिहतया थृढम शरूयतां तलयॊः शब्थॊ भेर्यॊर आहतयॊर इव 6 समाहितॊ हि बीभत्सुर वर्षाण्य अष्टौ च पञ्च च जातस्नेहश च युथ्धस्य मयि संप्रहरिष्यति 7 पात्री भूतश च कौन्तेयॊ बराह्मणॊ गुणवान इव शरौघान परतिगृह्णातु मया मुक्तान सहस्रशः 8 एष चैव महेष्वासस तरिषु लॊकेषु विश्रुतः अहं चापि कुरुश्रेष्ठा अर्जुनान नावरः कव चित 9 इतश चेतश च निर्मुक्तैः काञ्चनैर गार्ध्रवाजितैः थृश्यताम अथ्य वै वयॊम खथ्यॊतैर इव संवृतम 10 अथ्याहम ऋणम अक्षय्यं पुरा वाचा परतिश्रुतम धार्तराष्ट्रस्य थास्यामि निहत्य समरे ऽरजुनम 11 अन्तरा छिथ्यमानानां पुङ्खानां वयतिशीर्यताम शलभानाम इवाकाशे परचारः संप्रथृश्यताम 12 इन्थ्राशनिसमस्पर्शं महेन्थ्रसमतेजसम अर्थयिष्याम्य अहं पार्दम उल्काभिर इव कुञ्जरम 13 तम अग्निम इव थुर्धर्षम असि शक्तिशरेन्धनम पाण्डवाग्निम अहं थीप्तं परथहन्तम इवाहितान 14 अव वेगपुरॊ वातॊ रदौघस्तनयित्नुमान शरधारॊ महामेघः शमयिष्यामि पाण्डवम 15 मत्कार्मुकविनिर्मुक्ताः पार्दम आशीविषॊपमाः शराः समभिसर्पन्तु वल्मीकम इव पन्नगाः 16 जामथग्न्यान मया हय अस्त्रं यत पराप्तम ऋषिसत्तमात तथ उपाश्रित्य वीर्यं च युध्येयम अपि वासवम 17 धवजाग्रे वानरस तिष्ठन भल्लेन निहतॊ मया अथ्यैव पततां भूमौ विनथन भैरवान रवान 18 शत्रॊर मयाभिपन्नानां भूतानां धवजवासिनाम थिशः परतिष्ठमानानाम अस्तु शब्थॊ थिवं गतः 19 अथ्य थुर्यॊधनस्याहं शल्यं हृथि चिरस्दितम स मूलम उथ्धरिष्यामि बीभत्सुं पातयन रदात 20 हताश्वं विरदं पार्दं पौरुषे पर्यवस्दितम निःश्वसन्तं यदा नागम अथ्य पश्यन्तु कौरवाः 21 कामं गच्छन्तु कुरवॊ धनम आथाय केवलम रदेषु वापि तिष्ठन्तॊ युथ्धं पश्यन्तु मामकम |
1
[karṇa] sarvān āyuṣmato bhītān saṃtrastān iva lakṣaye ayuddhamanasaś caiva sarvāṃś caivānavasthitān 2 yady eṣa rājā matsyānāṃ yadi bībhatsur āgataḥ aham āvārayiṣyāmi veleva makarālayam 3 mama cāpapramuktānāṃ śarāṇāṃ nataparvaṇām nāvṛttir gacchatām asti sarpāṇām iva sarpatām 4 rukmapuṅkhāḥ sutīkṣṇāgrā muktā hastavatā mayā chādayantu śarāḥ pārthaṃ śalabhā iva pādapam 5 śarāṇāṃ puṅkhasaktānāṃ maurvyābhihatayā dṛḍham śrūyatāṃ talayoḥ śabdo bheryor āhatayor iva 6 samāhito hi bībhatsur varṣāṇy aṣṭau ca pañca ca jātasnehaś ca yuddhasya mayi saṃprahariṣyati 7 pātrī bhūtaś ca kaunteyo brāhmaṇo guṇavān iva śaraughān pratigṛhṇātu mayā muktān sahasraśaḥ 8 eṣa caiva maheṣvāsas triṣu lokeṣu viśrutaḥ ahaṃ cāpi kuruśreṣṭhā arjunān nāvaraḥ kva cit 9 itaś cetaś ca nirmuktaiḥ kāñcanair gārdhravājitaiḥ dṛśyatām adya vai vyoma khadyotair iva saṃvṛtam 10 adyāham ṛṇam akṣayyaṃ purā vācā pratiśrutam dhārtarāṣṭrasya dāsyāmi nihatya samare 'rjunam 11 antarā chidyamānānāṃ puṅkhānāṃ vyatiśīryatām śalabhānām ivākāśe pracāraḥ saṃpradṛśyatām 12 indrāśanisamasparśaṃ mahendrasamatejasam ardayiṣyāmy ahaṃ pārtham ulkābhir iva kuñjaram 13 tam agnim iva durdharṣam asi śaktiśarendhanam pāṇḍavāgnim ahaṃ dīptaṃ pradahantam ivāhitān 14 ava vegapuro vāto rathaughastanayitnumān śaradhāro mahāmeghaḥ śamayiṣyāmi pāṇḍavam 15 matkārmukavinirmuktāḥ pārtham āśīviṣopamāḥ śarāḥ samabhisarpantu valmīkam iva pannagāḥ 16 jāmadagnyān mayā hy astraṃ yat prāptam ṛṣisattamāt tad upāśritya vīryaṃ ca yudhyeyam api vāsavam 17 dhvajāgre vānaras tiṣṭhan bhallena nihato mayā adyaiva patatāṃ bhūmau vinadan bhairavān ravān 18 śatror mayābhipannānāṃ bhūtānāṃ dhvajavāsinām diśaḥ pratiṣṭhamānānām astu śabdo divaṃ gataḥ 19 adya duryodhanasyāhaṃ śalyaṃ hṛdi cirasthitam sa mūlam uddhariṣyāmi bībhatsuṃ pātayan rathāt 20 hatāśvaṃ virathaṃ pārthaṃ pauruṣe paryavasthitam niḥśvasantaṃ yathā nāgam adya paśyantu kauravāḥ 21 kāmaṃ gacchantu kuravo dhanam ādāya kevalam ratheṣu vāpi tiṣṭhanto yuddhaṃ paśyantu māmakam |