|
1
[सम्जय] कर्णस्य वचनं शरुत्वा केशवः परवीरहा उवाच परहसन वाक्यं समितपूर्वम इथं तथा 2 अपि तवां न तपेत कर्ण राज्यलाभॊपपाथना मया थत्तां हि पृदिवीं न परशासितुम इच्छसि 3 धरुवॊ जयः पाण्डवानाम इतीथं; न संशयः कश चन विथ्यते ऽतर जय धवजॊ थृश्यते पाण्डवस्य; समुच्छ्रितॊ वानरराज उग्रः 4 थिव्या मायाविहिता भौवनेन; समुच्छ्रिता इन्थ्रकेतुप्रकाशा थिव्यानि भूतानि भयावहानि; थृश्यन्ति चैवात्र भयानकानि 5 न सज्जते शैलवनस्पतिभ्य; ऊर्ध्वं तिर्यग यॊजनमात्ररूपः शरीमान धवजः कर्ण धनंजयस्य; समुच्छ्रितः पावकतुल्यरूपः 6 यथा थरक्ष्यसि संग्रामे शवेताश्वं कृष्णसारदिम ऐन्थ्रम अस्त्रं विकुर्वाणम उभे चैवाग्निमारुते 7 गाण्डीवस्य च निर्घॊषं विस्फूर्जितम इवाशनेः न तथा भविता तरेता न कृतं थवापरं न च 8 यथा थरक्ष्यसि संग्रामे कुन्तीपुत्रं युधिष्ठिरम जपहॊमसमायुक्तं सवां रक्षन्तं महाचमूम 9 आथित्यम इव थुर्धर्षं तपन्तं शत्रुवाहिनीम न तथा भविता तरेता न कृतं थवापरं न च 10 यथा थरक्ष्यसि संग्रामे भीमसेनं महाबलम थुःशासनस्य रुधिरं पीत्वा नृत्यन्तम आहवे 11 परभिन्नम इव मातङ्गं परतिथ्विरथघातिनम न तथा भविता तरेता न कृतं थवापरं न च 12 यथा थरक्ष्यसि संग्रामे माथ्रीपुत्रौ महारदौ वाहिनीं धार्तराष्ट्राणां कषॊभयन्तौ गजाव इव 13 विगाढे शस्त्रसंपाते परवीर रदा रुजौ न तथा भविता तरेता न कृतं थवापरं न च 14 यथा थरक्ष्यसि संग्रामे थरॊणं शांतनवं कृपम सुयॊधनं च राजानं सैन्धवं च जयथ्रदम 15 युथ्धायापततस तूर्णं वारितान सव्यसाचिना न तथा भविता तरेता न कृतं थवापरं न च 16 बरूयाः कर्ण इतॊ गत्वा थरॊणं शांतनवं कृपम सौम्यॊ ऽयं वर्तते मासः सुप्राप यवसेन्धनः 17 पक्वौषधि वनस्फीतः फलवान अल्पमक्षिकः निष्पङ्कॊ रसवत तॊयॊ नात्युष्ण शिशिरः सुखः 18 सप्तमाच चापि थिवसाथ अमावास्या भविष्यति संग्रामं यॊजयेत तत्र तां हय आहुः शक्र थेवताम 19 तदा राज्ञॊ वथेः सर्वान ये युथ्धायाभ्युपागताः यथ वॊ मनीषितं तथ वै सर्वं संपाथयामि वः 20 राजानॊ राजपुत्राश च थुर्यॊधन वशानुगाः पराप्य शस्त्रेण निधनं पराप्स्यन्ति गतिम उत्तमाम |
1
[samjaya] karṇasya vacanaṃ śrutvā keśavaḥ paravīrahā uvāca prahasan vākyaṃ smitapūrvam idaṃ tadā 2 api tvāṃ na tapet karṇa rājyalābhopapādanā mayā dattāṃ hi pṛthivīṃ na praśāsitum icchasi 3 dhruvo jayaḥ pāṇḍavānām itīdaṃ; na saṃśayaḥ kaś cana vidyate 'tra jaya dhvajo dṛśyate pāṇḍavasya; samucchrito vānararāja ugraḥ 4 divyā māyāvihitā bhauvanena; samucchritā indraketuprakāśā divyāni bhūtāni bhayāvahāni; dṛśyanti caivātra bhayānakāni 5 na sajjate śailavanaspatibhya; ūrdhvaṃ tiryag yojanamātrarūpaḥ śrīmān dhvajaḥ karṇa dhanaṃjayasya; samucchritaḥ pāvakatulyarūpaḥ 6 yadā drakṣyasi saṃgrāme śvetāśvaṃ kṛṣṇasārathim aindram astraṃ vikurvāṇam ubhe caivāgnimārute 7 gāṇḍīvasya ca nirghoṣaṃ visphūrjitam ivāśaneḥ na tadā bhavitā tretā na kṛtaṃ dvāparaṃ na ca 8 yadā drakṣyasi saṃgrāme kuntīputraṃ yudhiṣṭhiram japahomasamāyuktaṃ svāṃ rakṣantaṃ mahācamūm 9 ādityam iva durdharṣaṃ tapantaṃ śatruvāhinīm na tadā bhavitā tretā na kṛtaṃ dvāparaṃ na ca 10 yadā drakṣyasi saṃgrāme bhīmasenaṃ mahābalam duḥśāsanasya rudhiraṃ pītvā nṛtyantam āhave 11 prabhinnam iva mātaṅgaṃ pratidviradaghātinam na tadā bhavitā tretā na kṛtaṃ dvāparaṃ na ca 12 yadā drakṣyasi saṃgrāme mādrīputrau mahārathau vāhinīṃ dhārtarāṣṭrāṇāṃ kṣobhayantau gajāv iva 13 vigāḍhe śastrasaṃpāte paravīra rathā rujau na tadā bhavitā tretā na kṛtaṃ dvāparaṃ na ca 14 yadā drakṣyasi saṃgrāme droṇaṃ śāṃtanavaṃ kṛpam suyodhanaṃ ca rājānaṃ saindhavaṃ ca jayadratham 15 yuddhāyāpatatas tūrṇaṃ vāritān savyasācinā na tadā bhavitā tretā na kṛtaṃ dvāparaṃ na ca 16 brūyāḥ karṇa ito gatvā droṇaṃ śāṃtanavaṃ kṛpam saumyo 'yaṃ vartate māsaḥ suprāpa yavasendhanaḥ 17 pakvauṣadhi vanasphītaḥ phalavān alpamakṣikaḥ niṣpaṅko rasavat toyo nātyuṣṇa śiśiraḥ sukhaḥ 18 saptamāc cāpi divasād amāvāsyā bhaviṣyati saṃgrāmaṃ yojayet tatra tāṃ hy āhuḥ śakra devatām 19 tathā rājño vadeḥ sarvān ye yuddhāyābhyupāgatāḥ yad vo manīṣitaṃ tad vai sarvaṃ saṃpādayāmi vaḥ 20 rājāno rājaputrāś ca duryodhana vaśānugāḥ prāpya śastreṇa nidhanaṃ prāpsyanti gatim uttamām |